Gidasig ni President Ferdinand Marcos Jr. ang mga local government units (LGUs) sa pagpatuman sa mga lakang sa pagpakunhod sa basura ug pagpanalipod sa panglawas sa publiko.
Sa iyang pakigpulong sa ikaduhang Local Governance Summit 2024, ang Presidente nagkanayon nga base sa datos sa Department of Health (DOH), ang rason sa pagsaka sa kaso sa leptospirosis ug dengue tungod sa dili hustong paglabay sa basura.
Ang problema sa solid waste management sa nasud maoy usa usab sa nag-unang hinungdan sa pagbaha sa Metro Manila atol sa Bagyong Carina ug Habagat kaniadtong Hulyo.
Tungod niini, gikinahanglan nga maningkamot ang mga lokal nga kagamhanan sa pagpalambo sa kinaiyahan ug mohimo og mga lakang aron mamenosan ang basura aron mapanalipdan ang kinaiyahan ug panglawas sa publiko.
Dugang pa niini nga angay usab nga pahinumdoman sa mga LGU ang mga Pilipino, ilabina ang mga bata, nga dili molangoy sa baha ug adunay sakto nga ‘personal hygiene’ aron mamenosan ang pagkuyanap sa leptospirosis, Mpox, ug uban pang mga sakit, nga makatakod.
