Gipaabot nga motambong mao sila si President Ferdinand Marcos Jr., Department of Education Sec. Juan Edgardo “Sonny” Angara ug mga opisyal sa probinsiya ginangulohan nila ni Gobernador Matthew Marcos Manotoc ug Bise Gobernador Cecilia Araneta-Marcos sa opening ceremony sa 2025 Palarong Pambansa
Magsugod ang duwa sa Mayo 24 ug matapos sa Mayo 30 nga adunay tema nga “Nagkakaisang Kapuluan.”
17 k ka mga atleta, coaches, school officials ug technical officials gikan sa 17 ka rehiyon sa tibuok nasod ang gilaumang mosalmot.
Kalabot niini, si Gobernador Manotoc niingon nga ang malampusong pagpahigayon sa nagkadaiyang nasyonal ug internasyonal nga kompetisyon sama sa rowing, basketball, volleyball, cycling, surfing, ug uban pang aktibidad dako og natampo sa pagpangandam sa probinsiya alang sa Palarong Pambansa.
Gawas pa niini, masaligon ang Gobernador nga ang pag-host sa Palarong Pambansa makahatag ug abundang benepisyo sa probinsiya sa sektor sa ekonomiya, ilabi na sa turismo, transportasyon, ug mga gagmayng negosyo.
Samtang, matod ni P/Lt.Col. Jephree Taccad, Chief Provincial Operation Management Unit sa Ilocos Norte Police Provincial Office, andam na ang augmentation force alang sa 2025 National Games.
Matod niya nga nakigtambayayong sila sa Philippine Marines, Philippine Army, Philippine Coast Guard ug Bureau of Fire Protection aron mahatagan og medical assistance
