Hugot nga gimonitor sa Philippine Coast Guard (PCG) ang aktibidad sa Chinese Coast Guard Vessel 5901 o mas ilado nga “monster ship” human nga nakit-an sa Capones Island sa Zambales sa miaging Sabado.
Matud pa kang PCG spokesperson on the West Philippine Sea, Commodore Jay Tarriela, nga human nga nakumpirma ang presensiya sa monster ship gilayon nga gideploy ang BRP Cabra (MRRV-4409) lakip ang duha ka helicopter sa Capones Island.
Na-detect ang presensiya sa “monster ship” pinaagi sa Dark Vessel Detection system gikan sa Canada.
Gibutyag ni Tarriela nga gipahigayon ang radio challenge sa BRP Cabra og sa PCG aircraft sa CCG-5901 kung asa gihingusgan nga barko sa China ang anaa sa sulod sa exclusive economic zone sa Pilipinas base sa Philippine maritime Zones Law og UNCLOS.
Gihingusgan ni Tarriela nga magpabilin ang ilang presensya nga monitoron ang Chinese Coast Guard vessel aron masiguro nga gawasnon nga makapangisda ang mga Pinoy nga dili i-harass sa China.
