GENERAL SANTOS CITY – Dili inutil ang kapulisan sa dakbayan sa pagpatuman sa kahapsay og kalinaw.
Kini ang gihingusgan ni P/Col. Raul Supiter, labaw sa General Santos City Police Office, sa iyang pag-atubang sa Sangguniang Panglungsod atul sa regular session.
Kini human gipatawag ang nasampit nga opisyal gumikan sa mga mga shooting incidents nga natala sa dakbayan.
Giangkon ni Supiter nga may mga gun for hire sa siyudad luyo sa hugot nga pagbantay sa seguridad ug checkpoints.
Apan posibleng miagi matud pa ang mga nahisgutan sa dagat nga wala na-monitor.
Apan gihingusgan sa nasampit nga opisyal nga sensiro sila sa ilang trabaho ug daghang mga rason nganong nakasulod sa siyudad ang mga gun for hire.
Hinungdan nga girekomenda nila nga ipatuman ang pagbawal sa paggamit sa face mask sa sentro sa siyudad, ug ang helmet sa mga naka-motorsiklo ang angayang dili matabunan ang tibuok nawong, ug pagmuntar ug CCTV sa mga nag-unang kadalanan, pagpatuman ug speed limit sa sentro sa siyudad ug butangan ug suga ang mga kadalanan nga layo sa doqntown area sa lungsod.
Nasayran nga sukad kaniadtong 2017, 67 ang natala nga patay, 53 kaniadtong 2018, ug sa sayong bahin sa 2019 anaa na sa 20 ang napatay.
Kahinumduman nga gitawag pang inutil ang kapulisan ug gitambagan nga muhawa na lang sa pwesto.
