Gipangulohan ni Pangulong Ferdinand Marcos Jr. ang command conference sa Armed Forces of the Philippines (AFP).
Kini usab ang kataposang pagtambong sa outgoing AFP Chief of Staff General Romeo Brawner Jr.
Gitambongan kini sa mga taas nga opisyal sa AFP uban ni Defense Secretary Gilberto Teodoro Jr.
Nakatakdang moretiro si Brawner sa Hulyo 20 human sa 41 ka tuig nga serbisyo sa militar.
Gipresentar sa AFP ngadto kang Pangulong Marcos ang ilang mga nahimo ug operational updates ilalom sa ilang military campaign plan.
Isip Commander-in-Chief, gipahibalo ang Pangulo kabahin sa nagpadayon nga mga operasyon, strategic plans, ug mga nag-unang programa aron mapalig-on ug mapanalipdan ang nasud pinaagi sa koordinasyon uban sa nagkalain-laing ahensya.
Gipakita usab sa mga opisyal sa AFP ang ilang mga nahimong kalampusan sa milabay nga mga tuig, lakip ang mga prayoridad, inisyatibo, ug operational objectives alang sa umaabot.
Si Brawner ang unang AFP Chief of Staff nga nakakompleto sa tulo ka tuig nga termino ilalom sa Republic Act 11939.
Wala pa nagpili si Pangulong Marcos sa mopuli kang Brawner nga adunay edad nga 58 anyos.
