Gipangulohan ni Presidente Ferdinand Marcos Jr. ang Armed Forces of the Philippines (AFP) Change of Command Ceremony ug retirement honors alang kang outgoing AFP Chief of Staff General Romeo Brawner Jr. sa Camp General Emilio Aguinaldo, Quezon City karung adlawa, Hulyo 21, 2026.
Gipasidunggan sa seremonya ang kapin 41 ka tuig nga serbisyo militar ni Brawner, diin iyang nahuptan ang nagkalain-laing importanteng posisyon sa AFP ug nakadawat og mga lokal ug internasyonal nga pasidungog.
Si Brawner mao ang unang AFP Chief of Staff nga nakakompleto sa tulo ka tuig nga termino ubos sa Republic Act No. 11939 nga nagtumong sa pagpalig-on sa propesyonalismo ug pagpadayon sa mga polisiya ug modernization program sa militar.
Mipuli isip ika-61 nga AFP Chief of Staff si Lieutenant General Antonio Nafarrete, kanhi Philippine Army Commanding General. Si Nafarrete usa ka miyembro sa Philippine Military Academy “Bigkis-Lahi” Class of 1990 ug kanhi lider sa Western Mindanao Command nga nanguna sa joint operations batok sa insurgency ug terorismo.
