Pres. Marcos, dismayado sa K-12 program sa DepEd

Dismayado si President Ferdinand Marcos Jr. sa K-12 program sa Department of Education.

Matod niya, sama sa ubang magbabalaod, ang maong K-12 pabug-at lang sa mga ginikanan nga nagpaeskwela sa ilang mga anak.

Gihingusgan usab sa Pangulo nga gawas sa dugang duha ka tuig nga pag-eskwela, aduna usab dugang gasto ang mga ginikanan nga mamalit og school supplies.

Matod usab niya nga wala kini bintaha tungod kay walay trabaho ang mga migradwar sa K-12.

Kahinumduman nga daghang mga senador ang nanawagan nga hingpit nang wagtangon ang K-12 program nga gipatuman niadtong 2013.