GENERAL SANTOS CITY – Dili ingon kasayon nga makasuhan si Pangulong Rodrigo Duterte bisan sa International Criminal Court, atul sa iyang pagpangatungdanan isip presidente sa nasud.
Kini ang gibutyag ni Atty Teodoro Sales, kalabot sa isyu nga may hurisdiksyon ang ICC aron taralon si Pangulong Duterte sa kaso kalabot sa extra-judicial killings sa dinhi nasud gumikan sa iyang giyera batok sa iligal nga droga.
Kahibaluan nga kini ang gihingusgan sa gikonsiderang Maginificent 7 sa Kamara aron taralon sa ICC ang mga kaso sa EJK sa Pilipinas.
Kahibaluan nga dili mahimong arestuhon si Pangulong Duterte sa base sa local jurisdiction tungod sa iyang absolute immunity.
Apan matud kang Atty Sales, posibleng mahimo kini pinaagi sa hurisdiksyon sa ICC pinasubay sa international law, apan muagi pa kini ug dako ug taas nga proseso, pamatud-an pa kon nakahimo ba gayud ug krimen si Pangulong Duterte sa mga nahitabong pagpatay sa mga drug suspects, ug uban pang hisgutanan, gawas pa nga isip presidente sa nasud, entitled usab si Pangulong Duterte sa due process ug presumption of innocense.
