GENERAL SANTOS CITY – Nagtuo si Konsehal Orlando Acharon nga adunay ga re-bag ug NFA rice nga ginabaligya nga commercial rice apan karon lamang napamatud-an.
Kini human nabisto ang re-bagging sa bodega nga panag-iya sa usa ka rice miller nga taga-Esperanza, Sultan Kudarat.
Gisugyot pa ni Kagawad Acheron nga maoy committee chairman sa Consumer Welfare sa konseho nga angayan nga pasiradhan ang bodega nga gipahigayonan sa re-bagging operation tungod gitonto matud pa nila ang publiko pinaagi sa pagbaligya sa NFA rice ngadto sa commercial rice.
Gipasalamatan niini ang National Bureau of Investigation sa pagpahigayon ug operasyon hinungdan nga nabisto ang susama nga ginbuhaton.
Samtang, ipaatubang karong adlawa alang sa preliminary hearing sa NFA silang Gemma Libuon ug Herbert Tamone.
Kini ang gibutyag ni NFA Provincial Manager Dionesiao Hectin.
Gikumpirma niini nga napadad-an na ug imbetasyon ang duruha.
Gikumpirma usab niini nga pulos bugas gikan sa NFA ang unod sa dul-an tres syentos ka sako sa bugas nga naa sulod sa bodega ni Tamone.
Kahinumduman nga mukabat sa 91 ka sako sa bugas ang nakabutang sa sako sa NFA, 52 ka sako nga gisiradhan na nga nakabutang nga commercial rice samtang 145 ka sako nga sirado na nga giingong commercial rice.
Apan migawas nga gipang-ilisan lamang ang sako sa NFA tungod ang bugas nga sulod iya sa NFA.
Kung mapamatud-an si Libuon ang makasuhan ug unauthorized government stock of government rice.
