GENSAN- Gibutyag ni Atty. Jong Gonzales, labaw sa Public Safety Office sa GenSan nga adunay mga kaso nga ang prangkisa sa usa ka unit ang gibaligya uban sa unit mismo ngadto sa laing tawo.
Apan klaro nga problema kini tungod kay ang prangkisa dili pwede ibaligya o ibalhin ngadto sa lain.
Matod sa opisyal, kung mahitabo nga ang usa ka unit ibaligya apil ang prangkisa, ang pangitaon gihapon mao ang rehistradong tag-iya niini.
Ang prangkisa non-transferable ug dili mahimong iapil sa pagbaligya sa traysikol.
Kung mamatay ang tag-iya, ang mga manununod ra ang mahimong mopadayon sa pagpanag-iya ug paggamit sa prangkisa.
Kon walay legal nga proseso nga gisunod o wala mag-execute og deed of sale, awtomatikong mahimong komplikado ang kahimtang.
Gipahimangnoan usab sa PSO ang mga drayber ug operators nga magmatngon sa pagpamalit og unit ug siguruhon nga klaro ang papeles aron malikayan ang dakong problema sa prangkisa.
