-- ADVERTISEMENT --
Misaka ang presyo sa liquefied petroleum gas (LPG) sugod sa unang adlaw sa 2026, diin ipatuman ang P2.18 nga pagtaas matag kilo epektibo alas 12:01 sa kadlawon sa Enero 1, 2026.
Ang maong pagtaas katumbas og P23.98 alang sa kasagarang 11-kilogram nga LPG tank, nga giingong nagbase sa international contract price sa LPG alang sa bulan sa Enero.
Base sa datos sa Department of Energy, ang kasamtangang presyo sa 11-kilogram nga LPG tank nagrange gikan P803.04 hangtod P1,102.00, hinungdan nga gidasig ang mga panimalay nga mag-andam sa dugang gasto sa pagsugod sa bag-ong tuig.
