Wala gihapon makadawat ang Parish Pastoral Council for Responsible Voting (PPCRV) og 18% sa mga transmitted votes gikan sa Commission on Elections (Comelec) tungod sa file format nga dili nila maproseso.
Matod sa tigpamaba sa PPCRV nga si Ana Singson, 79.9% ra ang ilang boto kon itandi sa 98% nga gihuptan na sa Comelec. Anaa kuno ang file sa transparency server apan wala kini sa format nga magamit sa PPCRV alang sa pag-verify ug pagmantala.
Ang PPCRV wala gihapon makadawat og katin-awan gikan sa Comelec labot sa maong isyu. Si Singson, sa laing bahin, nanghinaot nga adunay klarong katin-awan ug transparency sa proseso.
Gihatagan og gibug-aton sa PPCRV nga ang nahabilin nga 18% sa boto hinungdanon tungod kay mahimo’g makaapekto kini sa katapusan nga mga puwesto sa lumba sa pagkasenador
