Gikompirma sa pamunuan sa Philippine Ports Authority nga nakig-alayon na sila sa ilang stakeholders aron malikayan ang disgrasya human sa nakitang mga problema sa San Juanico Bridge.
Kini nga lakang nagtumong sa pagsiguro nga mas maayo ang operasyon sa Roll-On/Roll-Off (RORO) nga mga barko sa mga pantalan isip alternatibo sa mga motorista ug dagkong trak.
Kini nga mga pantalan naglakip sa Tacloban, Calbayog, Catbalogan, Biliran, Ormoc, Manguinoo Port sa Calbayog, Samar, Hilongos; Maasin Port, Naval, Palompon, Calubian, ug bisan sa Villaba Port.
Ang mga dagkong trak nga dili makaagi sa taytayan mahimong mogamit ug RORO vessels.
Ang Department of Public Works and Highways Regional Office VIII nipatuman kaniadto og tulo ka tonelada nga maximum gross vehicle weight limit alang sa mga trak nga naggamit sa taytayan.
Kini nunot sa pagkadiskobre sa problema sa taytayan nga nanginahanglan ug tukmang aksyon aron malikayan ang disgrasya.
