Gikumpirma sa Civil Aviation Authority of the Philippines (CAAP) nga walay naangol human masunog matapos ug nibuto ang usa ka power bank sa Initial Security Screening Checkpoint sa Roxas Airport
Mga alas 6:36 sa buntag, nadiskubrehan sa mga personnel sa airport ang usa ka power bank nga adunay kapasidad nga 72,000 mAh sulod sa bagahe sa usa ka babayeng pasahero nga padulong sa Manila.
Kini milapas sa gitugotan nga 160 watt-hour nga kapasidad alang sa mga power bank nga madala sa usa ka eroplano.
Niinsister ang pasahero nga gitugutan ang maong power bank sa iyshsng flight gikan Maynila apan nisugot usab kini nga ibilin nalang sa iyang kauban gawas sa terminal.
Matud sa CAAP, samtang naghikay sa paghatod sa butang, kalit kining nisilaob sa inspection table
Daling niresponde ang usa ka security guard sa airport ug migamit og fire extinguisher sa pagpalong sa kalayo, apan pipila ka gutlo, nibuto ang power bank.
Maayo na lang kay walay naangol ug walay natalang dakong kadaot sa maong insidente.
Gidayeg sa CAAP ang paspas ug epektibo nga aksyon sa airport security ug screening personnel sa Office for Transportation Security
