Gipangandaman na sa Philippine Embassy sa Beirut ang posibleng mass repatriation sa mga Pilipino sa Lebanon tali sa panagbangi tali sa Israel og militanteng Hezbollah.
Matod kang Department of Foreign Affairs Assistant Secreraty Robert Ferrer, nakig-alayon na ang Embahada sa Pilipinas sa Lebanon sa mga Filipino community alang sa mga tukmang mga lakang alang sa pagpahigayon og mass repatriation ugaling misamot pa ang sitwasyon sa Lebanon og magsugod nga maapektuhan ang kasikbit nga lugar kung asa adunay mga Pilipino.
Apan sa karoan sumala sa DFA official, dili pa nila gusto nga magpatuman og mandatory repatriation sa Lebanon tungod daghang Pilipino ang dili pa gustong muhikling.
Kini tungod posibleng ipataas sa Alert Level 4 ang usa ka lugar alang sa mandatory evacuation sa oras nga makaangkon og large-scale internal conflict o full blown external attack.
Sa kasamtangan, adunay 11,000 Pilipino ang anaa sa Lebanon, kung asa kapin 500 ang nakabalik sa Pilipinas samtang 1,205 usab ang nagpadayag nga gusto na nilang ma-repatriate niining nakalabay nga 48 oras.
