Mikabat na ang kinatibuk-ang populasyon sa nasud sa 112 milyon. Base sa Proclamation 973 ni Presidente Ferdinand Marcos Jr., adunay 112,729, 484 ka mga Filipino as of July 1, 2024.
Ang nasampit nga ihap mas taas sa 3.69 milyon kumpara kaniadtong Mayo 1, 2020 base sa Philippine Statistics Authority (PSA). Ang Batas Pambansa 72 nagkanayon nga ang katapusang ihap sa populasyon makonsidera nga opisyal sa tanan base sa proklamasyon sa Presidente.
Ang 2024 Census and Populations and Community-Based Monitoring System gihimo gikan sa Hulyo hangtod sa Setiyembre 2024 diin ang reference date kay Hulyo 1.
Usa ka pagtuon usab nga gihimo sa United Nations Population Fund (UNFPA) nitaho nga ang Pilipinas adunay 1.9 porsyento nga fertility rate matag babaye karong tuiga.
