Pangunahan ni Pope Leo XIV ang inaugural mass unyang hapon sa St. Peter’s Square isip opisyal nga pagsugod sa iyang pagsilbi isip bag-ong lider og santo papa sa simbahang Katolika.
Ang misa ang tambungan sa kapin sa 250,000 ka mga inidibidwal gikan sa nagkadaiyang bahin sa nasud nga makonsidera nga usa ka makasaysayon nga seremonya, ang unang pormal nga misa sa bag-ong Santo Papa.
Matud pa sa Vatican, kapin sa 5,000 ka mga security personnel lakip ang elite Vatican security nga Swiss Guards aron masiguro nga may paigo nga seguridad sa unang misa ni Pope Leo XIV.
Gilauman sa Vatican nga tambungan sa mga lider gikan sa nagkadaiyang mga nasud ang unang misa sa santo papa susama nilang US Vice President JD Vance, Ukranian President Volodymyr Zelensky, French Prime Minister Francois Bayrou, Canadian Prime Minister Mark Carney, Italian President Sergio Mattarella og Prime Minister Giorgia Meloni.
Anaa usab ang presensya sa British Royal Family sa pagpanguna sa Duke of Edinburgh nga si Prince Edward King lakip silang King Philippe og Queen Mathilde sa Belgium ingon usab silang King Felipe VI og Queen Letizia sa Espaniya.
