Gibana-bana nga 50,000 ka mga tawo ang nagtapok sa Plaza de San Pedro aron sa pagtambong sa Jubilee sa mga Pamilya, nga gipangulohan ni Pope Leo XIV.
Sa iyang homiliya, gituki sa Santo Papa ang mahinungdanong tahas sa pamilya sa pagpasa sa pagtuo, gugma, ug kinabuhi gikan sa usa ka henerasyon ngadto sa lain.
Ang Santo Papa mipahayag nga ang “balaang kaminyoon” usa lamang ka ehemplo sa panaghiusa ug pagpasaylo, naghisgot usab nga ang mga pamilya sama ni Luigi ug Celia Martin, mga ginikanan ni St. Therese sa Lisieux, ug ang Polish nga pamilyang Ulma nga nagpahinungod sa ilang kinabuhi sa pagtuo.
Matod ni Pope Leo XIV, sa pamilya, ang pagtuo gipasa ug gipaambit sama sa pan ug gugma sa usag usa. Siya miingon nga ang pamilya mao ang pinakamaayong dapit sa pagpangita kang Jesus, kinsa kanunay nga nahigugma ug nagtinguha sa kaayohan sa matag tawo.
Gihisgotan usab sa Santo Papa ang pamahayag ni Pope Francis nga ang kinabuhi gihatag kanato sa wala pa nato kini tinguhaa, ug gipahinumdoman ang mga pamilya nga ang kaugmaon sa mga tawo magsugod sulod sa usa ka pamilya.
Isip kabahin sa selebrasyon, ang Santo Papa mihimo sa Regina Caeli, usa ka Marian nga pag-ampo, ug mihatag og mensahe sa paglaum sa mga bata ug pasalamat sa matag pamilya, ilabi na sa mga apohan, isip mga modelo sa pagtuo.
