Gipangadyian ni Catholic leader Pope Leo XIV ang mga biktima sa kusog nga linog nga miigo sa Colombia niadtong Lunes, Agosto 10, nga nakapatay na og kapin sa 250 ka tawo ug nakapasamad sa uban pang 1,000.
Sa usa ka mensahe, gipahayag sa pontiff ang iyang dakong kasubo human sa linog nga miigo sa lain-laing bahin sa nasod.
Iyang gihalad ang iyang mga pag-ampo alang sa “eternal rest” o kalinaw sa kalag sa mga nangamatay ug para sa paspas nga pagkaayo sa tanan nga naapektuhan sa katalagman.
Nagpaabot usab si Pope Leo og kinasingkasing nga kasubo sa mga pamilya nga naglisod sa pagdawat sa kamatayon tungod sa pagkawala sa ilang mga minahal sa kinabuhi.
Nagpaabot usab ang Santo Papa og pagpasalamat sa tanan nga nagtrabaho og matinud-anon sa nagpadayong search and rescue operations, lakip ang mga naghatag og relief assistance sa mga naapektuhan sa linog.
