-- ADVERTISEMENT --
Direkta nga gisultihan ni Pope Leo XIV si Israel President Isaac Herzog nga kinahanglan nga adunay hinanaling ceasefire ug tabang sa Gaza.
Mao kini ang gituki sa duha atol sa pagbisita sa Israeli President sa Vatican.
Matod sa Vatican, nanghinaot ang Santo Papa nga makab-ot na ang pagtapos sa gubat tungod sa nagkagrabeng kahimtang sa mga residente nga naipit sa maong panagbangi.
Gawas sa paghatag og hinanaling hinabang, angayan usab nga buhian ang tanang piniriso sa duha ka habig.
Kahinumduman nga balik-balik nga nanawagan ang Santo Papa sa pag-uswag sa pagtapos sa gubat gumikan sa grabeng kadaot nga nahiaguman niini.
-- ADVERTISEMENT --
