Nagpabilin nga kritikal apan stable na ang kahimtang sa panglawas ni Pope Francis. Sumala sa Vatican, wala na siya makasinati og acute respiratory episode ug stable na ang iyang hemodynamic parameters.
Sa pagkakaron gimonitor sa mga doktor niini ang prognosis o ang resulta sa iyang sakit. Matod niya nga gipailawom usab siya sa CT scan aron mamonitor ang iyang bilateral pneumonia.
Ang 88-anyos nga Argentinian Pope nakadawat usab sa Eukaristiya ug nagpadayon sa buluhaton.
Matod niya nga ni-improve na ang tanan niyang laboratory tests ug dili na kabalak-an ang iyang kidney insufficiency diin padayon ang iyang oxygen therapy ug mikunhod ang flow ug oxygen levels.
Nagpadayon usab ang pagrosaryo sa mga opisyal sa Vatican matag alas 9 sa gabii nga gisugdan karong Lunes, ingon man ang pagbisita sa mga tawo aron paghalad ug pag-ampo alang sa hinanaling pagkaayo sa Santo Papa.
