Gihangyo ni Pope Francis ang mga matuuhon nga magpadayon sa pag-ampo kaniya. Kini ang mensahe nga iyang gipadala sa tradisyonal nga pag-ampo ni Angelus sa Vatican.
Sulod sa duha ka sunodsunod nga semana, wala siya makatambong sa maong pag-ampo.
Sa iyang mensahe, nagpadayon ang iyang pagkaayo sa Gemelli Hosptial sa Roma.
Wala niya kalimti ang pagpasalamat sa iyang mga doktor ug health worker sa tambalanan ingon man sa mga maayong buot nga nagpadala og mga mensahe.
Sukad nga ang 88 anyos nga Santo Papa gidala sa ospital, ang mga matuuhon nagpahigayon og vigil.
Una niini, ang mga doktor miingon nga ang Santo Papa nagkinahanglan ug dugo tungod sa iyang ubos nga platelet count, nga gipasangil sa anemia. Dugang pa niini, nagkinahanglan pa siya og “high flow” nga oxygen tungod sa iyang kalisod sa pagginhawa.
Kahinumduman niadtong Pebrero 14 nga ang Santo Papa daling gidala sa tambalanan tungod sa bronchitis ug nisamot kini ngadto sa pneumonia sa duha ka baga.
