ROME-Opisyal nga gitangtang ni Pope Francis si Canadian Bishop Jean-Pierre Blais, kinsa giakusahan og sexual abuse sa Quebec.
Bisan pa nga naospital sa Policlinico Agostino Gemelli Hospital sa Roma tungod sa bronchitis, ang Santo Papa nagpadayon sa pagdumala sa mga kalihokan sa Simbahan, lakip ang mga aksyon sa pagdisiplina.
Sumala sa mga tinubdan sa Vatican, gidawat ni Francis ang pagluwat ni Blais isip Obispo sa Baie-Comeau, Canada.
Si Blais, 75-anyos, gihinganlan sa usa ka class-action nga kaso batok sa Archdiocese of Quebec, nga naglakip sa mga alegasyon sa sexual abuse sa mga miyembro sa klero.
Ang iyang pangalan makita sa usa ka listahan sa giingong mga sexual predators nga gisumiter isip kabahin sa kaso.
Gitudlo ni Francis si Padre Pierre Charland, nga kaniadto nagserbisyo isip ministro sa probinsiya sa mga Franciscano sa Canada, isip bag-ong Obispo sa Baie-Comeau.
