-- ADVERTISEMENT --
Niapela si Senador Win Gatchalian alang sa dinaliang pagpatuman sa angay nga mga polisiya aron mapagaan ang negatibong epekto sa 19% nga reciprocal tariff nga gipahamtang sa Estados Unidos sa mga eksport sa Pilipinas.
Matod ni Gatchalian, ang Chairman sa Senate Committee on Finance, kinahanglang himoon ang mga lakang aron suportahan ang mga trabahante nga mahimong mawad-an og trabaho, ilabi na nga dunay mga industriya nga nagtaho na og mga tangtangon usa ka bulan human gipatuman ang taripa.
Gisubli sa senador ang resolusyon nga nagtinguha nga matino ang kinatibuk-ang epekto sa taripa, lakip na ang pagkabalda sa supply chain ug ang posibilidad nga mo-withdraw ang pipila ka manufacturers aron malikayan ang dugang buhis.
