GENERAL SANTOS CITY – Wala na gikasuhan sa Police Regional Office 12 ang usa kapolice official nga aksidenteng mibuto ang pusil nga miunay kaniya ug sa iyang driver.
Sa pakighinabi sa Bombo Radyo GenSan kang Police Lt. Col. Aldrin Gonzales, tigpamaba sa PRO-12, gibutyag niini nga aksidente ang nahitabo gumikan anaa sa ctual nga training silang Lt. Miguel Quidilla nga miyembro sa SWAT, ug driver niya nga si Patrolman Jay Mark Celeste.
Gipahinumduman na lamang ni Gonzales ang mga kaubanan nga mag-amping sa paghupot ug pusil.
Kahinumduman nga sa unang migawas nga report, sakay sa usa ka Fortuner ang duha ka pulis ug muadto unta sa nasud tungod mag-withdraw ug salapi si Lt. Quidilla.
Apan atubangan pa lamang sa buhatan sa Regional Mobile Force Battalion, gikasa niini ang iyang pistola nga aksidenteng mibuto.
Naigo matud pa si Quidilla sa wala nga bukton, samtang sa tuo nga batiis naigo si Celeste.
Managsamang gidala sa tambalanan ang duruha nga gikataho nga slight injuries lamang ang naangkon.
