GENERAL SANTOS CITY – Gipailawom na sa protective custody ang pulis nga gireklamo nga nanglugos sa usa ka menor de edad.
Ang insidente nahitabo atol kapistahan ni Sr. Santo Niño de Bula sa miaging Enero 15 ,2025.
Gibutyag nga namista ang biktima kauban ang iyang mga higala sa Bula og didto usab niya nailhan ang maong police.
Sa dihang pauli na ang biktima dili pa muuli ang iyang mga kauban hinungdan nga nagboluntaryo ang maong police nga maoy muhatod.
Apan wala milahos sa balay sa maong menor de edad inay nga gihagad nga mag-inum pagkahuman gidala sa usa ka area nga didto siya gihalokan sa nasampit nga pulis og wala na nasayod pa sa sunod nga nahitabo.
Sa pag-uli sa biktima sa iyang pinuy-anan, namatikdan sa iyaan nga dili na normal ang linihokan nga adunay gikahadlokan og nalisang.
Hangtud nga mitug-an ang biktima nga gilugos sa pulis.
Dali kining miadto sa estasyon sa kapulisan aron ireklamo ang nahitabo apan ang imbestigador sa Women’s Children Protection Desk nagkanayon nga ikaligo lang ang nahitabo gawas nga pulis ang gireklamo.
Gihatagan pa ang biktima og 10 ka adlaw nga maghuna-huna kung ipadayon ang reklamo.
Tungod sa nahitabo dismayado ang ginikanan og ang biktima sa panghitabo ilabi pa nga wala gi-blotter.
Ang biktima ang nangayo og tabang sa Bombo Radyo GenSan dayon gipangitaan og pamaagi kung asa gipaabot sa hintungdan opisyal nga miresulta sa pag-relieve sa pwesto sa imbestigador sa WCPD sa usa ka estasyon sa kapulisan dinhi sa siyudad.
Mag-atubang ug kasong administratibo gawas sa kasong kriminal ang pulis nga gialegar nga nanglugos.
