GENERAL SANTOS CITY – Patong patong nga kaso ang atubangon sa usa ka pulis nga nakapusil patay ug pasahero nga miangol pa sa laing duha ka Pulis human ang insidente nga natigayon kagahapong adlawa.
Giila sa Magsaysay Muncipal Police Station ang suspek nga si Corporal Alfred Dawatan Sabas nga residente sa Malatab, Antipas North Cotabato nga nadestino sa Fatima Police Station sa General Santos City Police Office.
Sakay matud pa sa Mindanao Star Bus body number 15545 ang suspek dihang napusilan niini ang biktima nga si Reynaldo Abdul Bigno Jr, usa ka Security Guard nga nagresulta sa kamatayon sa biktima nga naigo sa ulo.
Human matud pa sa insidente gimandu-an matud pa sa suspek ang driver sa bus nga mangayo ug tabang sa checkpoint sa 1104th RMFB sa boundary sa Kinuskusan, Bansalan ug New Opon, Magsaysay Davao del Sur apan pag-abut sa lugar gipusil sa suspek ang duha ka nag duty nga pulis nga silang Corporal Kenth Tamos ug Corporal Russel Tapis hinungdan nga gidala sa tambalanan.
Giingong nakainum ang suspek dihang nahitabo ang pagpamusil ug dayon misibat apan pipila ka oras human ang munhunt operation nadakpan ang suspek sa mga sakop sa Magsaysay Municipal Police Station ug nakumpiska ang armas nga gigamit.
Miabut matud pa sa presento silang North Cotabato Provincial Director Col. Gilbert Tuzon, Davao del Sur Provincial Director Col Leo Ajero ug PRO 12 OIC Regional Director Brig Gen Arnold Ardiente ug gikasabutan ang pagpasaka ug kaso batuk sa suspek .
Ang kaso nga Murder ang ipasaka batuk kang Sabas pinaagi sa Makilala Police Station samtang ang duha ka kaso nga Frustrated Murder ang mupasaka mao ang Magsaysay Muncipal Police station nga nagkustudiya sa suspek.
Nahitabo ang insidente kagahapon sa kaadlawon didto sa Makilala North Cotabato.
