Gisogyot ni House Deputy Majority Leader Janette Garin nga gamiton nga student dormitories ang mga gisulod nga Philippine Offshore Gaming Operators (POGOs) hubs.
Sa plenary deliberations sa 2025 General Approriations Bill (GAB) gibutyag ni Garin ang problemang giatubang karon sa mga magtutungha hilabi nga taas ang presyo sa abang sa dormitories.
Gihingusgan ni Garin nga ang usa sa pinaka dakong hagit nga galastuhan sa usa ka magtutungha ang iyang boarding house, dormitory hilabi na niadtong nagtungha sa mga pribado nga tulunghaan.
Giuyunan usab ni ACT Teachers Party-list Rep. France Castro ang suhestiyon ni Rep. Garin.
Gitombok sa Iloilo lawmaker ang usa ka pagtuon nga may titulong ” Enhancing Access and Success in SUCs,” kung asa nahisgutan ang kakulangon sa pinansiyal ang usa sa pinaka dakong problema sa mga etudyante.
Si Garin ang sponsor sa Commission on Higher Education alang sa ilang 2025 General Appropriations Bill.
Gipunto niini nga ang 2025 budget alang sa CHED ang dili lamang basta expenditure kundi usa ka investment sa nasud.
