Gustong imbitahan ni Sen. Sherwin Gatchalian ang ginaalegar nga big boss sa POGO nga si Lin Xunhan, alias Boss Boga, sa musunod og posible sa ulahing hearing sa Senado sa Philippine Offshore Gaming Operators.
Gihangyo ni Gatchalian sa Senate Committee on Women, Children, Family Relations and Gender Equality nga imbitahan si Lin.
Kahinumduman nga giaresto sa Presidential Anti-Organized Crime Commission (PAOCC) og Bureau of Immigration (BI) si Lin sa miaging Oktubre 10.
Nagatuo si Gatchalian nga konektado ang mga big boss sa mga POGO hubs gani gusto niya masayran kung unsa pa ang mga POGO hubs nga konektado kang Lin.
Sumala sa Senador, gitinguha usab nila nga makapalambigit kang She Zhijiang, ang self-confessed Chinese spy nga nagbutyag nga si dismissed Bamban, Tarlac Mayor Alice Guo ang sama usab niya nga agent.
Si She ang napriso karon sa Thailand.
