Gipasalamatan ni Philippine Olympic Committee (POC) President Abraham “Bambol” Tolentino si Pangulong Ferdinand Marcos Jr tungod sa paghatag og pag-ila sa mga atleta sa nasod nga murepresenta sa Paris Olympics.
Matod ni Tolentino nga karon lamang sa usa ka Pangulo sa nasod nga malakip sa State of the Nation Address ang pag-ila sa paningkamot sa mga atleta sa nasod.
Kahinumdoman nga adunay katibuk-ang 22 Pinoy athlete ang murepresenta sa Olympics gikan Hulyo 26 hangtod Agosto 11 samtang unom ang kuwalipikado sa Paralympics nga magsugod sugod Agosto 28 hangtod Setyembre 8.
Kini usab ang ika-100 ka tuig nga misalmot ang Pilipinas sa Olympics.
Sa SONA ni Pres. Marcos iyang giila n ang mga lugar kung asa ginapahigayon ang Palarong Pambansa nga maoy maghulma sa mga atleta sa nasod.
