Walay impormasyon ang Philippine National Police (PNP) kabahin sa gitaho nga pagdakop sa kanhing PNP Chief ug karon Senador Ronald “Bato” Dela Rosa.
Sumala sa tigpamaba sa PNP nga si PBGen. Randulf Tuaño, wala silay impormasyon kabahin sa giingong hapit na nga pag-aresto sa kanhing Police General.
Adunay report nga si Bato dakpon karong adlawa sa pulis human mailhi ang iyang gitagoan.
Ang warrant of arrest giingong may kalabutan sa pagkahimong hepe ni Dela Rosa sa Philippine National Police (PNP) sa dihang gipatuman niini ang kampanya batok sa droga ubos sa administrasyon ni kanhi Presidente Rodrigo Duterte, kinsa nag-atubang karon og kasong krimen batok sa katawhan sa ICC.
Gihimakak ni Interior and Local Government Secretary Jonvic Remulla ang report nga si Dela Rosa dakpon.
