GENERAL SANTOS CITY – Nagpahimangno ang PNP – Regional Anti-Cybercrime Unit (RACU) nga dili gilayong magpadala sa unsa mga maka-engganyo nga mga post sa social media.
Matud pa ni Police Liutenant Col. Jonie S. Buenacosa, acting chief sa RACU-Region 12 nga kinahanglang magbinantayon sa tanang higayon aron dili mabiktima sa mga gapang-hack og account.
Kinahanglan gilayong i-block og report sa Facebook kung ugaling na-tag sa usa ka post nga dunay content nga bastos sama sa mga malaw-ay nga mga hulagway og videos.
Daghan na ang nabiktima sa maong modus kung asa i-tag sa usa ka wala maila nga account sa usa ka post nga maka-engganyo.
Kung makasulod na sa maong videos pangayuan ka og personal nga mga detalye og posible kining gamiton sa modus kung asa pangayuan og salapi.
Gihingusgan ni Buenacosa nga angayang hunahunaon pagmaayo una nga iclick aron ipadala ang post nga hulagway o videos sa social media.
