Ang Philippine National Police (PNP) nagplano nga himoong mas paspas ug mas sayon ang proseso sa pag-renew sa License to Own and Possess Firearms and Firearm Registration.
Matud ni PNP Chief PGen. Nicolas Torre III, tumong sa PNP nga himuong fully computerized ang sistema aron dili na kinahanglang mobiyahe pa ang mga aplikante sa Camp Crame.
Kini ang gihimo ni Torre atol sa 3rd PNP Press Corps Invitational Shootfest sa Camp Karingal, Quezon City karong adlawa.
Matod niya nga makigtagbo siya sa Civil Security Group aron mapagaan ang proseso sa pagkuha ug pag-renew sa mga permit sa pagdala og armas gawas sa pinuy-anan.
Gitataw ni Torre nga bisan og dili katungod ang pagpanag-iya og pusil apan usa ka prebilihiyo, dili kini angay nga mahimong babag sa mga motuman sa higpit nga mga kinahanglanon sa balaod.
Gitug-an usab sa opisyal nga ang Firearms and Explosives Office adunay mga front offices sa mga rehiyon ug dagkong siyudad nga moserbisyo sa mga aplikante sa lain-laing dapit sa nasod.
