-- ADVERTISEMENT --
Gipasidan-an sa Philippine National Police (PNP) ang publiko kaniadtong Martes, Abril 22, batok sa mga online scammers nga nagtanyag og “too good to be true” nga mga tour package taliwala sa pagdagsang sa mga magpapanaw karong panahon sa ting-init.
Gipahibalo ni PNP Chief Gen. Rommel Francisco Marbil ang maong pasidaan human ang Anti-Cybercrime Group (ACG) nakadakop og 45 ka tawo tungod sa kasong cybercrime.
Nadakpan sila atol sa 313 ka cyber patrolling activities ug 13 ka digital forensic examinations nga gihimo gikan Abril 11 hangtod 17.
Ang PNP-ACG, sa laing bahin, nanawagan sa publiko nga magpabiling mabinantayon ug i-report dayon kanila ang mga kadudahang kalihokan sa online..
