Miapela ang Philippine National Police (PNP) sa mga supporters ni Pastor Apollo Quiboloy nga mukalma lang ug tugotan ang mga pulis nga maghimo sa ilang trabaho isip law enforcers.
Gibutyag kini ni PNP spokesperson Col. Jean Fajardo human nga nagtumpok ang supporters sa pastor kagahapon, Hunyo 10, ug nagbutang ug barikada sa atubangan sa Kingdom of Jesus Christ headquarters sa Davao City aron nga dili makasulod ang mga pulis ug ma-serve ang warrant kang Quiboloy nga wanted tunod sa child abuse, sexual abuse ug qualified trafficking cases nga na-file sa korte sa Davao ug Pasig.
“So ang pakiusap natin ay maging mahinahon tayong lahat. Ang inyong kapulisan ay nandoon for the official discharge of their duties. Walang anumang hangarin ang ating kapulisan na magkaroon ng anumang sakitan at anumang pagkakagulo,” sumala kang Fajardo sa briefing sa Camp Crame, Quezon City.
Sa maong statement, nanawagan kini kang Quiboloy nga mupatim-aw ug atubangon ang iyang mga kaso aron malikayan ang sama nga nahitabo kagahapon.
Wala usab indikasyon sumala kang Fajardo nga nakagawas si Quiboloy sa Pilipinas kun basehan ang record sa Bureau of Immigration.
“There is no indication so far that Pastor Quiboloy has already left the country because there is no confirmation yet from the Bureau of Immigration. The mere fact that they are simultaneously implementing warrants of arrest is an indication that we believe that he is still here in the country,” suno sa police official.
Kahibaluan nga gibanabanaan nga anaa sa 100 ka mga pulis sa pagpanguna sa armado nga mga operatiba sa Special Action Force ug Criminal Investigation and Detection Group ang nagsulod sa mga propiedad ni Quiboloy kagahapon apan napakyas usab sila nga maaresto ang self-proclaimed Appointed Son of God ug ang iyang kaubanan.
Ang mga compound nga gisulod ang nahimutang sa Davao City, Samal Island, ug Sarangani.
