Wala mohunong ang Philippine National Police (PNP) sa pagpangita kang Senador Ronald “Bato” Dela Rosa.
Matod ni PNP Chief PGen. Jose Melencio Nartatez Jr., ilang gitigom ang tanang impormasyon nga ilang nakadawat aron mapadali ang pagdakop sa senador nga giila nga pugante ug nag-atubang og kaso nga crime against humanity gikan sa International Criminal Court (ICC) may kalabotan sa war on drugs atol sa panahon ni kanhi Presidente Rodrigo Duterte.
Dugang pa sa hepe sa PNP nga sigurado siya nga anaa pa sa Pilipinas si Dela Rosa.
Matod niya, gisubay usab sa mga awtoridad ang mga suod nga higala ug mga paryente nga kanunay kauban sa senador aron mapadali ang iyang pagkadakop.
Una nang mikaylap ang balita nga nadakpan na kuno ang senador, apan gipanghimakak kini sa Department of Justice (DOJ), Department of the Interior and Local Government (DILG), ug Philippine National Police (PNP).
