Nagpklaro ang Philippine National Police sa publiko nga ang Airport Police Department sa Ninoy Aquino International Airport dili kabahin sa ilahang organisasyon .
Ang Kapulisan nihimo sa maong pamahayag kasunod sa pagtangtang sa Department of Transportation sa lima ka mga pulis sa airport tungod sa ilang pagkalambigit sa pagpangilkil sa mga taxi driver sa airport.
Matod sa PNP, bulag ang NAIA APD bisan pa sa pagkaparehas niini sa pagpatuman sa balaod.
Ang PNP niinsistir nga aduna kini kaugalingong mandato diin kini gidumala sa Manila International Airport Authority.
Nabulgar ang giingong modus sa Airport Police Department human unang gitaho sa usa ka taxi driver nga trending kini online tungod sa pagsaka sa plitehan.
Matod niya nga napugos lang siya sa pagpaningil sa iyang mga pasahero tungod nag-share pa ang APD.
Matod niya nga 60/40 ang ilang revenue share ug kung dili sila motuman, mahimong makasinati sila og harasment o paglutos sa ilang mga unit.
Bisan pa niini, aduna usab mga personnel ang PNP nga nadestino sa mga airport ug kini mao ang PNP Aviation Security Group.
