Gipahimangnoan sa Philippine National Police ang publiko batok sa nangaging mga text scam sa nasud.
Kung mahinumdoman, gikataho nga ang maong mensahe adunay pipila ka mga hulga sa nakadawat nga dakpon ug pasakaan og kaso.
Gitawag kini sa PNP Anti-Cybercrime Group nga warrant of arrest scam.
Giingong gihulga sa mga scammers ang ilang mga biktima nga aduna silay kaso sa korte ug bisan unsang orasa sila dakpon dayon sa mga awtoridad.
Gibutang usab niini ang pipila ka mga ngalan sa Philippine National Police, buhatan sa PNP ug pipila ka mga pulong sa subpoena o warrant.
Matod sa pamunoan sa Philippine National Police, tataw nga dili kini tinuod tungod sa sayop nga gramatika ug sayop nga impormasyon.
Matod niya nga posible usab nga target sa maong mga sindikato ang mga indibidwal nga adunay mga kaso sa korte.
Gitambagan sa PNP ang publiko nga dili mahadlok ug magpabiling mabinantayon.
