Subling gipasidan-an sa Philippine National Police (PNP) ang mga private security training agencies batok sa paggamit og mga imahe o bisan unsang representasyon sa mga pulis sa ilang ads ug promotional materials.
Subay sa Memorandum Advisory No. 020 nga gipagawas niadtong Mayo 27, 2025, gidili ang paggamit sa mga hulagway sa mga pulis nga naka-uniporme o wala naka-uniporme sa flyers, brochures, banners, ug online posts aron malikayan ang sayop nga impresyon sa suporta o koneksyon sa PNP.
Ang PNP Supervisory Office for Security and Investigation Agencies (SOSIA) nitambag sa mga training agencies nga tantangon ang maong mga materyales ug sundon ang tukmang paggamit sa police insignia ug uniporme.
Gipasidan-an usab sa PNP nga posibleng masuspinde o ma-revoke ang lisensya sa mga dili motuman sa maong polisiya.
