Nihangyo ang Philippine National Police (PNP) sa Department of Justice nga ipaubos ang pangalan ni Alvin Que, anak sa steel magnate nga si Anson Que, kinsa gikidnap ug gipatay uban sa iyang drayber bag-o lang, isip respondent.
Matud ni PNP Spokesperson Police Brig. Gen. Jean Fajardo, nakig-alayon na ang PNP sa DOJ labot niini.
Kahinumduman nga base sa gipanumpaang affidavit, gitumbok sa primary suspect nga si David Tan Liao si Alvin Que nga maoy giingong mimando sa pagdagit ug pagpatay sa iyang amahan nga negosyante.
Gikwestiyon ni Alvin ang mga taho kon nganong gipugos siya sa kaso sa pagkidnap ug pagpatay sa iyang amahan.
Gikompirmar ni Fajardo nga walay supporting evidence nga makaduso kang Alvin Que sa kaso.
Posible sab nga gipahisalaag ni Liao ang imbestigasyon aron mapanalipdan ang tinuod nga mastermind.
Ang PNP Anti-Kidnapping Group gikatahong moduso og mosyon sa pag-amendar sa reklamo ngadto sa DOJ ugmang adlawa.
