Nagpaklaro ang Philipine National Police (PNP) nga wala gitugutan ni PNP Chief PGen. Nicolas Torre III ang bisan kinsang fitness instructor nga manguna sa bisan unsang physical fitness program para sa tibuok organisasyon.
Kini human giimbitar sa Public Community Affairs and Development Group (PCADG) ang fitness vlogger nga si Rendon Labrador alang sa 93 weight loss challenge sa nasangpit nga unit.
Sa memo nga giluwatan ni PNP Directorate for Police Community Relations Director PMGen. Roderick Augustus Alba, ang nasangpit nga physical activity niadtong Huwebes, Hunyo 19 usa ka inisyatiba sa PCADG ug ang mga sakop lang sa unit ang naapil niini.
Base sa memorandum, gimandoan ang mga pulis nga hunongon na ang pagpaambit sa mga misleading contents tungod walay mando gikan sa hepe nga mokuha og fitness instructor nga maoy mangulo sa bisan unsang physical activities o training.
Matod niya kini aron malikayan ang pagkuyanap sa mga fake news nga mahimong hinungdan sa kalibog sa publiko.
Samtang, una niini walay personal nga kahibalo si PNP Spokesperson PBGen. Jean Fajardo bahin sa pagka fitness coach ni Labrador sa PNP.
