Giklaro sa Philippine National Police (PNP) nga gitangtang sa pwesto isip Criminal Investigation and Detection Group (CIDG) director si PBGen. Romeo Macapaz kalabutan sa isyu sa mga missing sabungeros.
Sa usa ka presscon sa Kampo Krame, giklaro ni PNP Spokesperson PBGen. Jean Fajardo nga usa ka personal request gikan mismo kang Macapaz ang rason nganong gibalhin ang kanhi CIDG Director sa Region 12.
Gikan sa pagka-CIDG Director, gihangyo ni Macapz nga mahimong Regional Director sa Police Regional Office 12 (PRO 12).
Gihingusgan usab ni Fajardo nga dili patas ang mga nahimong espekulsyon nga adunay nagdikta o nagsugo kang PNP Chief PGen. Nicolas Torre III aron tangtanon isip CIDG director si Macapaz.
Gihingusgan usab ni Fajardo nga walay kinsa man sa ilang han-ay ang mahimo og ginatugotan nga magdikta sa mga buhaton og angayang buhaton sa hepe.
Tungod hapit na usab ang eleksyon sa Bangsamoro Autonomous Region in Muslim Mindanao (BARMM), gilauman nga ang presensiya ni Macapaz isip regional director sa rehiyon ang mamahimong dakong tabang sa pagpatuman sa kahapsay og kalinaw sa mismong adlaw sa parliamentary elections.
