GENSAN – Mipadayag ang General Santos City Police Office (GSCPO) sa pagpanguna ni Pcol Nicomede Olaivar Jr. nga motuman sa mando ni PNP Chief Gen. Nicolas Torre III nga bawal ang sobra sa timbang nga pulis.
Subay sa direktiba, gisugdan na sa GSCPO ang paglista sa mga personnel nga lapas sa saktong timbang ug pag-andam sa mga lakang aron matabangan silang mobalik sa standard.
Gilauman nga magsugod ang regular nga exercise, health check-up, ug timbang monitoring sa sulod sa organisasyon.
Ang mga pulis nga mapakyas sa pagpaubos sa timbang sulod sa usa ka tuig, posibleng masuspenso o tangtangon sa serbisyo.
Ang maong lakang usa ka paagi aron masiguro nga ang mga pulis pisikal nga andam sa serbisyo ug motakdo sa disiplina nga gikinahanglan sa ilang trabaho.
