GENERAL SANTOS CITY – Gipatawag ni Kag. Jeng Gacal sa sunod nga sesyon sa Sangguniang Panlungsod si Police Senior Supt. Romeo Ruel Berango, ang OIC City PNP Director sa dakbayan.
Matud ni Kag. Gacal, gusto niining magpaklaro si Berango kalabot sa subling pagpanakop sa kapulisan sa mga aser sa STL miaging adlaw, Lunes.
Mas napukaw ang konsehal human nga nakaabot kaniya ang report nga gibuhian ang gipangdakop nga aser sa STL makalabay ang pipila ka oras.
Gikwestyon usab ni Gacal ang report nga nadawat nga ang koleksyon ang nakulangan hinungdan nga kinahanglan mupatim-aw sa SP sunod sesyon og ipresenta ang mga pulis nga nanakop og STL usher.
Matud pa ni Gacal nga kung basehan ang pamahayag ni Berango nga legal ang operasyon sa STL sa syudad, apan nganong nanakop ang iyang mga sakop.
Sa pahayag ni Gacal, ang SP ang representasyon sa katawhan sa dakbayan.
Subli niining gihagit si Berango nga mupahawa sa pwesto kon padayong dili musunod sa konseho sa mga legal nga aspeto.
Kahibaluan nga napatawag na si Berango sa miaging sesyon og gipaklaro ang kalabot sa operasyon sa STL sa GenSan.
