Wala gibalibaran ni Philippine National Police (PNP) Chief General Nicolas Torre III ang hagit ni Davao City Mayor Sebastian “Baste” Duterte sa usa ka boxing match.
Matod ni Torre, imbes personal, mahimo na kining “charity boxing match” nga makaayo sa mga katagilungsod nga naapektuhan sa bagyo ug baha. Matod ni Torre nga mahimo nilang ipahigayon ang maong ’12-round charity boxing match’ karong Domingo sa Araneta.
Gitataw sa kadagkoan sa PNP nga abli siya sa maong ideya basta alang lang kini sa maayong ‘kawsa’ ug dili lang badlungon sa media.
Gisugyot pa ni Torre nga si boxing legend Manny Pacquiao maoy mahimong ‘referee’.
Dili pa klaro kung seryoso ba si Mayor Baste, apan matod ni Torre, andam siya nga makigsinumbagay para sa kaayohan sa katawhan,sa ring og dili sa kadalanan ug basta kini ‘boxing for a cause’.
