Gidayeg ni PNP Chief Police General Jose Melencio C. Nartatez Jr. ang paspas nga responde sa mga operatiba nga misangko sa pagdakop sa suspek ug pagkarekober sa mga armas.
Human nadakpan sa kapulisan ang usa ka suspek ug nakumpiska ang siyam ka armas atol sa hot pursuit operation human sa insidente sa pagpamusil sa Barangay Labangal, General Santos City kagahapon, Hulyo 8.
Sumala sa taho, mitubag ang Makar Police Station sa General Santos City Police Office sa usa ka panagbangi sa yuta nga nauli sa pagpamusil. Pag-abot sa mga pulis sa lugar, ilang nakita ang usa ka security guard nga namatay tungod sa samad pinusilan nga naangkon.
Matod ni Police Colonel Eric De Venancio, City Director sa GSCPO, nadakpan sa operasyon sa Purok Mudia, Barangay Labangal ang suspek nga nailhang alias “Mohammad Kidto,” 35 anyos ug residente sa General Santos City.
Human sa pagdakop, nakumpiska gikan sa suspek ang siyam ka armas nga naglangkob sa pito ka shotgun ug duha ka semi-automatic shotgun. Padayon usab ang follow-up operation sa kapulisan aron madakpan ang uban pang gituohang nalambigit sa insidente
