GENERAL SANTOS CITY – Mismong si PNP chief Gen. Oscar Albayalde ang nagmando nga magpahigayon og komprehensibo og lalom nga imbestigasyon kalabot sa P2-billion Ponzi-like investment scheme nga gihinganlan nga Pulis Paluwagan Movement kon PPM sa SOCCSKSARGEN.
Kini human nga gipalagpot sa puwesto silang Col. Manuel Lukban, labaw sa Directorial staff sa Police Regional Office (PRO)-12 og Col. Raul Supiter, City PNP Director sa GSCPO.
Ang nasampit nga duha ka opisyal sa PRO-12 ang gibalhin na sa Police holding and accounting unit sa Directorate for Personnel and Records Management.
Sa pakighinabi sa Bombo Radyo, mismo si Col. Supiter ang epektibo ang order kagahapon Marso 25 kung diin gikan sa PNP Headquarter.
Sumala kang Brig. Gen. Eliseo Tam Rasco, regional director sa PRO-12, ang Criminal Investigation and Detection Group (CIDG) ang manguna sa imbestigasyon og pagpasaka og tukmang kaso batok sa mga masterminds sa PPM.
Sa pahayag ni Rasco nga mututok ang himuong pagsusi sa maong investment scheme sa administratibo og kriminal nga tulubagon sa tanang nalambigit nga mga police officers sa PRO-12.
Kasagaran sa mga nabiktima mga pulis sa Region 12, lakip usab ang mga sibilyan kinsa nahaylo sa taas nga gipasalig nga tubo nga hangtod sa 120 porsyento matag tuig.
