GENERAL SANTOS CITY – Gihagit ni PNP 12 Regional Director Brig. General Micheal John Dubria ang kapulisan sa Polomolok South, Cotabato nga dili magrelaks sa ilang mga responsibilidad.
Human nagmando nga dili hunungon ang pagpangita sa mga nalambigit sa nagkadaiyang mga kremin aron masikop ug mapatubag sa balaud ang mga nahisgutan.
Gikadugang pa ni Dubria nga bisag naangkon sa Polomolok Police Station ang best municipal police station apan mas kinahanglan pa nga palig-onon ang pagserbisyo gumikan adunay local terrorist group sa ilang area of responsibility.
Nasayran nga daghan na ang namatay nga mga sakop sa Dawlah Islamiyah group human nga nakaengkwentro sa kapulisan.
Ang labing ulahing napatay ang upat ka sakop sa maong grupo samtang naaresto usab ang usa ka bomb expert nga si Daryl Sumbreal.
