GENSAN – Gidepensahan ni Police Chief Supt. Elesio Rasco ang iyang mga sakop nga wala magkulang sa pagbantay ug pagpatuman sa seguredad atul sa pagsulod sa bag-ong tuig.
Kini human gipresenta ang usa ka video sa pagbusikad sa usa ka IED didto sa usa ka Mall sa Cotabato nga gikamatay sa duha ka biktima ug pagkaangul sa ubang biktima.
Matud ni general Rasco nga naa duol ang iyang mga sakop nga gani naa usab ang usa ka Police Patrol car nga maoy unang nakaresponde dihang mibusikad ang IED sa lugar.
Matud niini nga walay nakita nga lapses sa iyang mga sakop tungod naa nagbantay duol sa usa ka Mall.
Kalabutan niini wala pa y gihatag nga tubag si general Rasco kung ibalhin ang labaw sa Cotabato City Police Office nga si Sr Supt. Rolly Octavio.
