GENERAL SANTOS CITY – Gitutukan karon pagmaayo sa Police Regional Office 12 ang impormasyon nga nakalap nga mga impormasyon nga gi-agi na sa online ang recruitment activities sa walhong grupo.
Matud pa ni P/Brig.Gen Michael John Dubria, Regional Director sa PNP 12, dili imposible ang maong kalihukan hilabi nga ang mga bata ang nakatutok sa online.
Gihingusgan sa maong opisyal nga dili sa tanang higayon mabantayan ang mga anak samtang gaatubang sa ilang gadget og bisan unsa na lang ang makit-an sa mga post pati ang mga madunggan nga istorya.
Hinungdan nga giawhag ni Gen. Dubria ang mga ginikanan nga bantayan pagmaayo ang ilang mga anak.
Awhag usab ni Gen. Dubria sa mga kabatan-unan nga angayang dili magpahaylo sa mga tam-is nga pamahayag sa walhong grupo nga may sayop nga idolohiya nga sukwahi sa maayong tinguha sa gobyerno.
Hunahunaon sa makadaghang higayon kung muanib ba sa walhong grupo o dili.
